Një nga të aksidentuarit në Kroaci në gjendje të rëndë, 15 të tjerë në trajtim

Një nga të plagosurit e aksidentit në Kroaci ndodhet në gjendje të rëndë shëndetësore dhe 15 ende po marrin trajtim në spital. Kështu njoftoi ministri i Mbrojtjes në Kosovë, Armend Mehaj, i cili shtoi se 26 persona të tjerë kanë dalë nga spitali.

Mëngjesin e së dielës, autobusi i linjës Frankfurt-Prishtinë doli nga nga rruga në autostradën afër Sllavonski Brod në Kroaci dhe për pasojë humbën jetën  10 persona dhe mbi 40 u lënduan.

Shkak i aksidentit dyshohet se është bërë përgjumja e shoferit, por ende nuk ka një version zyrtar për ngjarjen. Ky i fundit është arrestuar nga Policia.

Autoritetet e Kosovës dhe ato të Kroacisë po punojnë për dërgimin në Kosovë të qytetareve që kanë shpëtuar pa lëndime dhe atyre me lëndime të lehta.

Pas marrjes se lajmit për aksidentin, Presidentja Vjosa Osmani ndërpreu vizitën në Japoni,  ndërsa kryeministri Albin Kurti pa nga afër gjendjen e të plagosurve.

LEXONI GJITHASHTU:

• Aksidenti në Kroaci, pjesa më e madhe e viktimave nga komuna e Gjakovës
• Të plagosurit nga aksidenti në Kroaci jashtë rrezikut për jetën, thotë deputetja
• 10 të vdekur e 44 të plagosur nga aksidenti i një autobusi të Kosovës në Kroaci