Rritet numri i infektimeve dhe shtrimeve në spital nga COVID-19

Numri i rasteve të reja me COVID-19 në vendin tonë është rritur sërish të martën. Ministria e Shëndetësisë tha se janë identifikuar 31 raste të reja me COVID-19 në 3628 testime të kryera, ndërkohë që nuk ka pasur asnjë humbje jete për shkak të virusit.

Rastet pozitive janë identifikuar në këto bashki: 7 raste në Elbasan, nga 6 raste në Tiranë, Lezhë, 3 në Kukës, 2 në Korçë, nga 1 rast në Shkodër, Fier, Has, Gjirokastër, Sarandë, Dimal, Kuçovë.

Aktualisht janë 269 pacientë aktivë me COVID-19 në të gjithë vendin, ndërsa në Spitalin Infektiv po marrin trajtim spitalor të specializuar 13 pacientë.

Numri i personave të shëruar gjatë 24 orëve të fundit është 14, duke e çuar numrin e të shëruarve në 130,166 që nga fillimi i epidemisë.

Statistika (27 Korrik 2021)

Raste të reja ditore        31

Të shëruar në 24 orë     14

Të shtruar në spitale      13

Humbje jete në 24 orë   0

Testime ditore                3628

Shpërndarja gjeografike e rasteve aktive sipas qarqeve:

Tiranë              104

Elbasan            40

Kukës                32

Lezhë               29

Vlorë                27

Durrës              17

Fier                   16

Shkodër           13

Berat               9

Korçë                9

Gjirokastër        4