Xhudisti i dytë tërhiqet nga Lojërat Olimpike para ndeshjes me përfaqësuesin izraelit

Atleti i dytë që jep dorëheqjen nga Lojërat Olimpike pas njoftimit se do të ndeshej me izraelitin, Tohar Butbul në peshat 73 kg, është Mohamed Abdalrasool.

Zyrtarët olimpikë kanë lajmëruar se xhudisti sudanez nuk do të paraqitet në ndeshjen kundër izraelitit Butbul në raundin e 32-të që pritej të mbahej ditën e hënë.

Xhudisti i parë që dha dorëheqjen nga gara ishte përfaqësuesi i Algjerisë, Fetih Nourine, i cili që në momentin që mësojë se do të ndeshej me xhudistin izraelit Butbul, hoqi dorë menjëherë duke shpjeguar se mbështetja e tij për Palestinën ishte arsyeja e vetme e vendimit të tij.

“Ne kemi punuar shumë për të arritur Olimpiket…por kauza e Palestinës është më e madhe se të gjitha këto,” tha ai.

Ndërkohë, Fondacioni Ndërkombëtare i Xhudos nuk ka dhënë ende një arsyeje për largimin nga gara të Abdalrasool, e as zyrtarët olimpik sudanez nuk e kanë komentuar këtë vendim.

LEXONI GJITHASHTU:

• Kosova kërkon tjetër medalje ari në xhudo, Nora Gjakova në finale
• Ikona Majlinda Kelmendi, kampionia e xhudos që po frymëzon të rinjtë e Kosovës
• Majlinda Kelmendi tërhiqet nga xhudo, shkak lëndimet