Mbërrijnë në Kosovë 21 të mbijetuarit nga aksidenti i autobusit në Koraci

Mbrëmjen e së martës kanë mbërritur në Kosovë 21 të mbijetuarit nga aksidenti tragjik në Kroaci.

Ata u pritën në aeroportin ndërkombëtar të Prishtinës “Adem Jashari” nga presidentja, kryeministri dhe kryetari i Kuvendit të Kosovës.

Kthimi i qytetarëve është bërë në bashkëpunim me qeverinë kosovare dhe atë kroate.

Ndërsa, Vjosa Osmani, Albin Kurti dhe Glauk Konjufca shprehën ngushëllimet për viktimat, ata deklaruan se gjithë të mbijetuarit e aksidentit do të kenë mbështetje nga institucionet.

Të dielën një autobus i Kosovës, që udhëtonte tranzit në Kroaci u aksidentua dhe si pasojë 10 persona humbën jetën, ndërkohë që 44 të tjerë u lënduan.

LEXONI GJITHASHTU:

• 1 muaj paraburgim për shoferin e autobusit që shkaktoi aksidentin në Kroaci
• Përgjumja e shoferit të autobusit mund të ketë shkaktuar aksidentin me 10 viktima në Kroaci