Raporti i OSBE/ODIHR, ambasada e SHBA thirrje për adresimin e rekomandimeve

Ambasada Amerikane në Shqipëri në një reagim mbi raportin përfundimtar të OSBE/ODIHR për zgjedhjet e 25 prillit, u ka bërë thirrje palëve që të marrin parasysh rekomandimet për përmirësimin e procesit të ardhshëm.

Në reagimin e përfaqësisë diplomatike të SHBA në vendin tonë të publikuar në faqen zyrtare në Facebook thuhet s “nxisim të gjitha institucionet përkatëse që të shqyrtojnë raportin përfundimtar dhe rekomandimet e tij”.

Misioni i OSBE/ODIHR në Shqipëri publikoi dy ditë më parë raportin përfundimtar për zgjedhjet parlamentare të 25 prillit, ku theksonte nevojën e disa ndryshimeve ligjore përmes 23 rekomandime për afrimin e zgjedhjeve në Shqipërisë më pranë standardeve ndërkombëtare.

OSBE/ODIHR rekomandon intensifikimin e përpjekjeve për identifikimin, hetimin dhe dënimin e rasteve të blerjes së votës dhe inkurajimin e qytetarëve për të denoncuar rastet e blerjes dhe presionit.

Për sistemin zgjedhor OSBE/ODIHR rekomandon vendosjen e një pragu kombëtar prej 1% për kandidatët e pavarur në mënyrë që të garantohen kushte të barabarta gare. Në raport thuhet se e drejta e kryetarëve të partive për të garuar në disa qarqe duhet rishikuar pasi shkel principin e barazisë.

LEXONI GJITHASHTU:

• Raporti përfundimtar i OSBE/ODIHR për 25 prillin: PS u avantazhua në zgjedhje
• Basha: Raporti i OSBE/ODIHR konfirmon masakrën zgjedhore
• Sekretari i Përgjithshëm i PS e cilëson më pozitivin në 30 vite raportin e OSBE/ODIHR