Pala greke lehtëson masat, kalimi në kufi me çdo lloj testi ose certifikatë vaksinimi

Nga dita e mërkurë, kalimi në pikën kufitare të Kakavijës bëhet edhe me teste nga spitalet publike shqiptare. Deri më tani pala greke ka pranuar vetëm përgjigjet e testeve për bartjen ose jo të COVID-19 nga laboratorët privatë.

Ky ndryshim në rregullat e kalimit në kufi ndikon pozitivisht në lëvizjen e lirë të qytetarëve të dy vendeve dhe jo vetëm, sidomos në pikun e sezonit turistik.

Veprimet e kësaj të mërkure nga pala greke në pikën e kalimit kufitar të Kakavijës mund të jenë rastësore, pasi ende nuk ka një njoftim zyrtar për lehtësimin e masave.

Nga 1 korriku, pikat kufitare të Kakavijës dhe Kapshticës funksionojnë gjatë 24 orëve për të gjitha kategoritë e udhëtarëve.

LEXONI GJITHASHTU:

• Pikat kufitare të Kakavijës dhe Kapshticës do të jenë të hapura 24 orë
• Nga e hëna, Greqia hap pikën e kalimit kufitar të Qafë Botës