COVID-19, Shqipëria regjistron ditën me më shumë raste në dy muaj e gjysmë

Shqipëria ka regjistruar të enjten ditën me numrin më të lartë të rasteve me COVID-19 në dy muaj e gjysmë.

Gjatë 24 orëve të fundit në vendin tonë janë identifikuar 47 raste të reja me COVID-19 në 3025 testime, ndërsa nuk ka pasur asnjë humbje jete për shkak të virusit.

Kjo është shifra më e lartë e rasteve ditore që nga 14 maji, kur janë regjistruar për herë të fundit 49 të infektuar më COVID-19.

Ministria e Shëndetësisë bëri me dije se infektimet janë pikasur në këto bashki: 19 raste në Tiranë, 6 në Elbasan, 5 në Kuçovë, 4 në Pogradec, 3 në Lezhë, 2 në Korçë, nga 1 rast në Shkodër, Durrës, Kukës, Kavajë, Lushnje, Sarandë, Delvinë, Poliçan.

Aktualisht janë 355 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor të specializuar 18 pacientë.

Janë shëruar 13 qytetarë gjatë 24 orëve të fundit, duke e çuar numrin e të shëruarve në 130.187 që nga fillimi i epidemisë.

Statistika (29 Korrik 2021)

Raste të reja ditore         47

Të shëruar në 24 orë       13

Të shtruar në spitale       18

Humbje jete në 24 orë     0

Testime ditore                 3025

Shpërndarja gjeografike e rasteve aktive sipas qarqeve:

Tiranë              131

Elbasan            51

Kukës                33

Lezhë               33

Vlorë                29

Fier                   17

Korçë                16

Durrës              15

Shkodër           12

Berat               14

Gjirokastër        4

LEXONI GJITHASHTU:

• Shënohet viktima e parë nga COVID-19 në Shqipëri pas një muaji
• Rritet numri i infektimeve dhe shtrimeve në spital nga COVID-19