Dy kundërshtarë i kanë vënë vijën e kuqe pushtetit të Ramës, thotë anëtari i Grupimit për PD

Pjesëtari i Grupimit për PD, Edvin Kulluri tha në ‘Raw Politics’, se kryeministri Edi Rama, edhe pse në mandatin e tretë qeverisës, nuk mund të ketë pushtet absolut pasi ka dy kundërshtarë që i kanë vendosur vijën e kuqe pushtetit.

Gjykata Kushtetuese dhe ajo e Lartë, sipas z. Kulluri janë institucionet që do të ruajnë balancën. Ai i vlerësoi si shumë të mira vendimet e marra nga Gjykata Kushtetuese kundër pushtet çka sipas tij është lajm i mirë për shoqërinë.

“Lajmi i mirë është që dy gjykatat më të larta në hierarkinë e gjyqësorit janë sot funksionale, edhe nëse opozita nuk lejohet të ushtrojë funksionin e saj si parlament”, tha z. Kulluri.

Teksa foli për lidershpin aktual të Partisë Demokratike, z. Kulluri u shpreh se ka mungesë të theksuar demokracie brenda kësaj partie.

Ish-kryetari i PD, Sali Berisha, duke qenë lider historik i kësaj partie duhet të kishte folur për atë që ka ndodhur brenda PD, tha anëtari i Grupimit për PD.

Sipas tij, 20 deputetë nuk do ta marrin mandatin në shtator, për shkak të presionit nga faktori ndërkombëtar.

“Më e penalizuar do të jetë mazhoranca, pasi dëmet më të mëdha i ka bërë ajo”, u shpreh z. Kulluri.

LEXONI GJITHASHTU:

• Ristani kritik për rolin e Berishës: Bashkëpërgjegjës me Bashën për gjendjen e PD
• “Lulzim Basha e ka çuar PD-në nga humbja në humbje”, Arben Ristani kritika kryedemokratit