Hapet gara për ndërtimin e aeroportit ndërkombëtar të Sarandës

Ministria e Infrastrukturës dhe Energjisë ka hapur garën për tenderit e ndërtimit të aeroportit ndërkombëtar të Sarandës.

Ministrja Belinda Balluku tha se afati i fundit për paraqitjen e ofertave do të jetë 23 shtatorit. Ajo nënvizoi se kostoja do të jetë afërsisht 37 milionë euro.

Ndërtimi i këtij aeroporti ishte parashikuar nga një studim paraprak i vitit 2010 dhe do të jetë një investim privat ku shteti nuk do të ketë garanci financiare për kompensimin e numrit të pasagjerëve.

Znj. Balluku tha se aeroporti do të përdoret dhe për fluturime brenda vendit Sarandë-Kukës dhe anasjelltas dhe do të jetë përgjithësisht një aeroport sezonal për 7-8 muajt e verës.

Aeroporti do të jetë i kategorisë 3C dhe do të ketë një pistë me gjatësi 2200 metra. Përllogaritet që në vitin e parë të funksionit të udhëtojnë përmes këtij aeroporti 150 mijë pasagjerë ndërsa numri maksimal parashikohet të jetë 1 milion në një vit.