Distancimin e PD nga Berisha, Aleksandër Çipa e cilëson kusht të panegociueshëm nga SHBA

Analisti Aleksandër Çipa shprehet se me kërkesën drejtuar kryetarit të Partisë Demokratike, Lulzim Basha për t’u distancuar nga ish-kryeministri Sali Berisha, SHBA po kërkon të shmangë ndikimin e tij politik.

Gjatë një interviste për Euronews Albania, Çipa tha se “zëri i Kim është zëri i DASH” dhe kërkesa drejtuar z. Basha është “kusht i panegociueshëm”.

Nga ana tjetër analisti ka shtuar se qëndrimi i mbajtur deri tani nga Berisha për ta ndjekur në rrugë ligjore shpalljen “non grata” nga SHBA është “karshillëk ndaj vendimit” duke shtuar se “këmbëngulja sjell pasoja për PD”.

Sipas Aleksandër Çipës si Basha dhe Berisha ndodhen përballë zgjedhjeve të vështira. I pari sipas tij duhet të kujdeset për të mbajtur të bashkuar PD dhe të ndajë rolin historik të Berishës nga pozitat e tij aktuale.

Ndërsa për ish-kryeministrin Berisha, analisti tha se duhet të marrë vendim shumë të vështirë që ndryshe quhet “kapërcimi pindarik”.

LEXONI GJITHASHTU:

Ambasada amerikane i kërkon PD të distancohet nga Berisha: Tragjike nëse ‘hanë bar’ për hatër të një deputeti