Kalendari “Pirelli 2022” mbledh artistë të shumtë, mes tyre Rita Ora

Cher, Iggy Pop, Jennifer Hudson dhe Rita Ora janë ndër artistët kryesorë, të cilët do të jenë pjesë e kalendarit “2022 të Pirelli”, i 48-ti në histori.

Artisti kanadez Bryan Adams është njeriu që qëndron pas aparatit për kalendarin e këtij viti.

I titulluar “On The Road“, “Cal” i Adams – siç i referohen shpesh dhe shkurtimisht kalendarit – kombinon muzikantë nga zhanre, kombësi dhe mosha të ndryshme në kompozime të xhiruar gjatë verës së vitit 2021 në Los Angeles dhe Capri të Italisë.

Pamjet në Los Angeles u filmuan në rrugët e qytetit, në Teatrin e Pallatit dhe Chateau Marmont, me fotografi të marra në Hotel La Scalinatella në Capri.

Në një deklaratë për mediat, krijuesi kanadez zbuloi se titulli dhe tema e kalendarit bazohen në 45 vitet e fundit të turneut të tij – me kohën e kaluar duke pritur në hotele, duke udhëtuar dhe duke qëndruar në prapaskenë.

Kalendari i Adams është versioni i 48-të i botimit ikonik dhe shënon kthimin e tij pasi u pezullua vitin e kaluar për shkak të pandemisë COVID-19.

Artisti fitues i shumë çmimeve bashkohet me një klub të veçantë fotografësh që kanë xhiruar “The Cal“, përfshirë Mario Testino, Annie Leibovitz dhe Terence Donovan. “On The Road” do të dalë në treg në Nëntor 2021.

LEXONI GJITHASHTU:

• Festivali ‘Butrinti 2000’, artistët sjellin pjesët më të bukura të 2 dekadave edicione
• Regjisoret gra në fokus të Festivalit të Filmit në Prishtinë