Biden fajëson ushtrinë afgane: Asgjë nuk do ndryshonte nëse forcat tona do qëndronin

Presidenti i Shteteve të Bashkuara të Amerikës Joe Biden ka mbajtur një konferencë për shtyp mbrëmjen e së hënës ku ka folur për situatën në Afganistan, pas hyrjes së trupave talebane. Ai deklaroi se qëllimi i misionit amerikan ka qenë për të parandaluar një sulm terrorist, ndërsa shtoi se i qëndron vendimit të tij për të tërhequr trupat amerikane.

“Kanë kaluar 4 presidentë që ia kanë lënë përgjegjësinë njëri tjetrit. Unë nuk do ia lë presidentit te radhës. Unë jam presidenti dhe përgjegjësia bie mbi mua. Ne do të vazhdojmë të mbështesim popullin afgan. Ne do të udhëheqim me diplomacinë tonë, ndikimin tonë ndërkombëtar dhe ndihmën tonë humanitare. Ne do të vazhdojmë të flasim për të drejtat themelore të popullit afgan, të grave dhe vajzave, ashtu siç flasim në të gjithë botën”, u shpreh Joe Biden.

Biden ka veçuar se përgjegjësia është e liderëve afganë, për të gjetur konsensusin.

“Lideret afganë dështuan ne gjetjen e konsensusit. Dhënia fund e luftës më të gjatë është në interesin e popullit amerikan. “S’do të bënte asnjë ndryshim nëse forcat amerikane qëndronin 1, 5 apo 20 vite me shume ne Afganistan”, tha Biden.

Presidenti amerikan tha se nuk mund të sakrifikonte jetën e ushtarëve amerikanë, nëse vetë afganët nuk dëshironin të luftonin për vendin e tyre.

LEXONI GJITHASHTU:

• Pasuria e talebanëve, kontrollojnë 90% të opiumit në botë, mblodhën 1.5 mld dollarë në 2020
• Cilët janë udhëheqësit e talebanëve?
• Kush janë Talebanët dhe si erdhën ata në pushtet?
• Talebanët zotohen për paqe një ditë pas rënies së Kabulit