Nuk prekim asnjë grup etnik, premtojnë talebanët

Talebanët kanë qarkulluar të martën me automjetet e tyre në kryeqytetin afgan, me flamuj e me premtimin se nuk do të prekin asnjë grup etnik.

“Ky është një sistem ligjor dhe ne garantojmë njerëzit tanë, qofshin hazara, taxhikë, ose turq se nuk do të preken nga muxhahidinët tanë,” – u shpreh komandati i talebanëve Mawlavi Haq Dost.

Sipas tij ishte mbështetja e popullit që çoi në “dështimin e amerikanëve dhe në vendosjen e sistemit islamik”.

Ndërkohë, banorët e Kabulit deklarojnë se kanë shpresë te siguria dhe arsimimi i fëmijëve të tyre.

Fluturimet ushtarake për evakuimin e diplomatëve dhe civilëve nga Afganistani rifilluan të martën pasi pista që të çon drejt aeroportit të Kabulit u pastrua nga disa mijëra njerëz të dëshpëruar që përpiqeshin të arratiseshin pasi talebanët morën nën kontroll kryeqytetin.

Ditën e diel trupat amerikane morën nën kontroll aeroportin si të vetmen mënyrë për t’u larguar nga Afganistani, teksa militantët avancuan dhe morën nën kontroll të gjithë vendin, 20 vjet pasi trupat ushtarake të SHBA-së dhe NATO-s u tërhoqën.

LEXONI GJITHASHTU: 

• Talebanët hyjnë në Kabul, presidenti i Afganistanit largohet nga vendi
• Pasuria e talebanëve, kontrollojnë 90% të opiumit në botë, mblodhën 1.5 mld dollarë në 2020
• Talebanët: Gati të falim armiqtë, të drejtat e grave sipas ligjit islamik