Përditësimi i situatës së COVID-19 në botë, Spanja raporton numrin më të lartë të viktimave në një ditë

Autoritetet spanjolle kanë raportuar të shtunën për një numër rekord viktimash në një ditë, 832 persona që nga dita e djeshme, duke e çuar numrin total të fataliteteve në 5,690.

Deri më tani, Spanja ka 65,719 raste të konfirmuara. 

 

 

 

 

 

View this post on Instagram

 

 

 

 

 

 

 

 

 

Kjo është gjendja në një spital të mbipopulluar të Madridit. Pamjet tregojnë personelin shëndetësor të pajisur me veshje dhe masa mbrojtëse, ndërkohë që përshkojnë korridoret e mbushura me shtretër dhe karrige me rrota. Pacientët që po luftojnë me COVID-19 dëgjohen teksa kolliten herë pas herë dhe thuajse të gjithë janë të intubuar. Deri më tani, Spanja ka 65,719 raste të konfirmuara me COVID-19 dhe në total mbi 5600 viktima. ?: Reuters . #spain #madrid #healthstaff #protectivesuit #emergencyroom #covid19spain #covid19 #coronavirus #coronavirusspain #euronewsalbania #euronews

A post shared by Euronews Albania (@euronews_albania) on Mar 28, 2020 at 9:11am PDT

Megjithatë, Italia mbetet vendi më i prekur në botë pasi raportoi ditën e djeshme 969 viktima. Gjithsej, 9,134 persona kanë humbur jetën në Itali nga COVID-19 me 86,498 raste të konfirmuara.

Përgjatë Europës, vendet kanë marrë masa për të frenuar përhapjen e sëmundjes, teksa Hungaria dhe Irlanda i janë bashkuar vendeve që janë në shtetrrethim gjatë së premtes.

Franca dhe Belgjika, të cilat ndodhen prej afërsisht dy javësh në karantinë, kanë shtyrë afatin e politikave izoluese edhe me dy javë të tjera, një ditë pasi Spanja shpalli të njëjtën gjë.

Mbretëria e Bashkuar ka njoftuar të shtunën se do të hapë dy spitale të reja në ditët e ardhshme.

Dy godinat, një në Birmingham dhe një në Mançester do të ofrojnë si fillim 500 shtretër.

Lajmërimi erdhi vetëm një ditë pasi kryeministri Boris Johnson dhe ministri i Shëndetësisë deklaruan se kishin rezultuar pozitiv ndaj COVID-19.

Mbretëria e Bashkuar raportoi për 181 viktima të reja të premten, duke e çuar numrin total në 759 ndërsa numri i rasteve të konfirmuara me coronavirus është 14,543.

Ndërkohë, Shtetet e Bashkuara u bënë i pari vend në botë që regjistron më shumë se 100 mijë raste të konfirmuara gjatë së premtes, sipas përllogaritjeve të Universitetit John Hopkins, 18 mijë prej të cilëve u raportuar vetëm dje.

SHBA gjithashtu njoftoi se 345 persona kishin humbur jetën nga virusi gjatë 24 orëve të fundit, një shifër rekord për vendin, me një numër total viktimash prej 1,475.

Shifra totale e rasteve të konfirmuara në rang global ka shkuar mbi 600 mijë.