Qytetarët në Bruksel mund të marrin një dozë të vaksinës anti-COVID në supermarkete

Konsumatorët mund të marrin injektimin “Johnson& Johnson” në vetëm 15 minuta në supermarketet Carrefour në Bruksel. Vaksina është falas dhe nuk është e nevojshme të rezervosh një takim.

“Nuk ka rëndësi se ku e bën vaksinën, qoftë në spital apo në supermarke, pasi është e njëjta cilësi”, thotë Rasmane, një 34-vjeçare banore në Wallonia.

Këto njësi vaksinimi janë ngritur në disa dyqane të ndryshme rreth Brukselit. Fushata, e cila do të zgjasë katër javë, synon rritjen e shkallës së vaksinimit në kryeqytetin belg, i cili aktualisht mbetet prapa pjesës tjetër të vendit (62% krahasuar me 70% për të gjithë Belgjikën).

Disa OJQ kanë krijuar gjithashtu njësi të lëvizshme vaksinimi, të quajtura “Mobivax” në një përpjekje për të arritur tek komunitetet e margjinalizuara. Që nga maji, 1. 700 njerëz janë vaksinuar përmes kësaj nisme.

70% e popullsisë së rritur të BE-së është vaksinuar kundër COVID-19. Por, ekspertët paralajmërojnë se ky raport, i paraqitur dikur si qëllimi për të arritur imunitetin e tufës, nuk është i mjaftueshëm për të shmangur me sukses variantet e virusit.

“Numri magjik nuk është atje,” argumenton Lucia Pastore Celentano, kreu i sëmundjeve të parandalueshme nga vaksina në Qendrën Evropiane për Parandalimin dhe Kontrollin e Sëmundjeve (ECDC).

“Ne gjithashtu duhet të marrim parasysh opsionin që ky virus të qëndrojë me ne duke u bërë një sëmundje,” tha Pastore Celentano.

LEXONI GJITHASHTU:

• Gjigandët e teknologjisë shpenzojnë më shumë se kushdo për lobim në BE, sipas studimit
• Franca gjobit Google me 220 milionë euro për dëm ndaj kundërshtarëve
• 5 muaj pas zgjedhjeve, Holanda ende pa qeveri