‘Jepjani vendeve që janë prekur më shumë nga pandemia’, Koreja e Veriut refuzon vaksinat

3 Shtator 2021 | 08:32

Organizata e Kombeve të Bashkuara njoftoi se Koreja e Veriut ka kërkuar që rreth 3 milionë doza të vaksinës kundër COVID-19 që i janë ofruar, të dërgohen në vende të tjera të cilat janë prekur më shumë nga pandemia.

Vaksinat që iu ofruan Koresë së Veriut ishin të kompanisë kineze “Sinovac”, pjesë e programit COVAX, që ka për qëllim të ndihmojë vendet e varfra me doza të vaksinës anti-COVID.

Kjo nuk është hera e parë që Koreja e Veriut refuzon vaksina kundër coronavirusit. Në muajin korrik, ky vend refuzoi rreth dy milionë doza të vaksinës AstraZeneca, pasi kishte shqetësime rreth efekteve të mundshme anësore. Gjithashtu vendi komunist ka refuzuar disa herë vaksina të ofruara nga Rusia.

Koreja e Veriut ka shprehur dyshime mbi efikasitetin e vaksinave anti-COVID. Mediat shtetërore raportojnë shpesh për raste në Shtetet e Bashkuara dhe Europë, ku individët kanë reaguar negativisht ndaj vaksinës.

Koreja e Veriut nuk ka regjistruar zyrtarisht asnjë rast me COVID-19 që nga data 19 gusht.

Ndërkohë, shteti i izoluar ka vendosur masa të rrepta kufizuese që nga fillimi i pandemisë. Koreja Veriore ishte një ndër vendet e para që i mbylli kufijtë në janar të vitit të kaluar.

 

LEXONI GJITHASHTU:

 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026