Rinis dialogu Kosovë-Serbi, përcaktohet agjenda për takimin e dytë në nivel ekspertësh

Sot rinisin bisedimet teknike mes Kosovës dhe Serbisë në Bruksel. Bisedimet do të fokusohen tek çështjet e hapura aktualisht dhe hapave të ardhshëm në dialog.

Delegacioni i ekspertëve të Kosovës, i udhëhequr nga zëvendëskryeministri, Besnik Bislimi, përgjatë dy ditëve, më 7 dhe 8 shtator do të paraqesë pozicionin dhe kërkesat e Kosovës për çështjen e të zhdukurve me forcë, marrëveshjen mbi energjinë dhe atë të tabelave të veturave.

Në anën tjetër përfaqësues i qeverisë serbe do të jetë Petar Petkoviç.

Ky është takimi i dytë në radhë në nivel ekspertësh për dialogun Kosovës-Serbi.

Në vazhdim pritet që të ketë një takim të nivelit të lartë mes kryeministrit të Kosovës, Albin Kurti dhe presidentit serb, Aleksandër Vuçiç.

LEXONI GJITHASHTU:

• Veton Surroi: Duhet ndryshuar korniza e negociatave Serbi-Kosovë
• Mbërrijnë në Kosovë mbi 500 mijë doza vaksinash donacion nga SHBA
• 26 viktima nga COVID-19 në Kosovë gjatë 24 orëve të fundit