200 shtetas të huaj pritet të evakuohen nga Kabuli këtë të enjte

200 shtetas të huaj në Afganistan, mes tyre amerikanë, do të nisen me fluturime “charter” nga Kabuli të enjten, pasi qeveria e re talebane ra dakord për evakuimin e tyre, tha një zyrtar amerikan.

Nisjet do të jenë ndër fluturimet e para ndërkombëtare që do të nisen nga aeroporti i Kabulit që kur talebanët morën kontrollin e kryeqytetit në mes të gushtit, duke shkaktuar evakuimin kaotik të udhëhequr nga SHBA të 124.000 të huajve dhe afganëve në rrezik.

Fluturimet vijnë dy ditë pasi talebanët njoftuan një qeveri të përkohshme të përbërë nga burra, përfshirë të dyshuar apo të kërkuar për terrorizëm dhe ekstremistë të ashpër islamikë, duke shuar shpresat e ndërkombëtarëve për një administratë më të moderuar.

Qeveria e re në Afganistan do të drejtohet nga Mullah Mohammad Hassan Akhund.

LEXONI GJITHASHTU:

• Pasiguria në Afganistan, talebanët godasin gratë gjatë protestave
• Rinisin fluturimet nga Kabuli, Euronews tregon regjimin e ri të talebanëve në Afganistan
• Talebanët shpallin qeverinë e re të Afganistanit