19 viktima nga COVID-19 në Kosovë, bie numri i infektimeve

Kosova vazhdon të përballet me shifra të larta të viktimave nga COVID-19. Në 24 orët e fundit janë regjistruar 19 viktima.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka bërë të ditur se në 24 orët e fundit kanë dalë pozitivë me coronavirus 703 qytetarë nga 10.851 teste të kryera.

Sot janë shëruar 2.255 qytetarë, ndërsa numri i përgjithshëm i të shëruarve është 131.930.

Në 24 orët e fundit janë dhënë 19.458 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 975.279 doza të vaksinës. Deri më sot 338.147 qytetarë janë vaksinuar me dozën e dytë.

Në total numri i rasteve aktive në Kosovë është 20.652.