Dëshmitarët rrëfejnë momentet e përfshirjes në flakë të spitalit në Tetovë

Ekipet e policisë shkencore në qytetin e Tetovës mbikëqyrën të enjten vendin e ngjarjes, pas zjarrit që shkrumboi spitalin e lëvizshëm dhe që vrau të paktën 14 persona.

Dëshmitarë si Nedvedin Aliti, që ndihmoi në shuarjen e flakëve, tha për agjencinë e lajmeve “Reuters” se zjarri u përhap me shpejtësi.

 “Zjarri u përhap shumë shpejt, në 20-30 minuta kishte përfshirë gjithçka. Policia dhe zjarrfikësit mbërritën në vendin e ngjarjes, por edhe shërbimet e tjera duhet të ishin këtu. Kishte shumë punë pasi zjarri ishte shumë i madh dhe s’kishte shanse të shuhej me shpejtësi”.

Ndërkohë, zyra e prokurorit deklaroi se do të duhen analiza të ADN-së për të identifikuar disa nga viktimat. Mes tyre për fat të mirë nuk kishte pjesëtarë të stafit mjekësor.

 “Ne mbërritën në kohë për të shuar zjarrin, por ishte natë. Detyra jonë dhe prioriteti ynë ishte të evakuonim njerëzit. Kishte njerëz që ishin ende gjallë, por fatkeqësisht të tjerë humbën jetën. Detyra jonë ishte t’i nxirrnim jashtë ata”, tha ai. 

Të paktën 26 pacientë ndodheshin në spitalin për të infektuarit me COVID në kohën e zjarrit dhe 12 prej tyre, të cilët shpëtuan po mjekohen për plagët e marra, bëri të ditur ministri i Shëndetësisë Venko Filipçe.

Zjarri ra ditën kur Maqedonia e Veriut shënon 30-vjetorin e pavarësisë nga ish-Jugosllavia. Të gjitha celebrimet e planifikuara për ditën e enjte u anuluan.

LEXONI GJITHASHTU: 

• Të paktën 14 viktima nga zjarri në spitalin e COVID-19 në Tetovë
• Përfshihet nga zjarri spitali i COVID-19 në Tetovë, raportohet për viktima