Policia arreston 31-vjeçarin që vrau ish-gruan, ishte fshehur në pyll

Policia e Fierit ka arrestuar 31-vjeçarin Elton Metaj i cili një natë më parë vrau me armë zjarri ish-bashkëshorten.

Burime nga policia lokale thonë se vrasësi është kapur në një pyll të fshatit Peshtan bashkë me armën e krimit, pas rreth 3 orë ndjekjeje në kushte të vështira për shkak të errësirës dhe rrezikshmërisë që kishte ky person pasi ishte i armatosur.

Ngjarja e rëndë ndodhi mbrëmjen e së premtes në banesën e viktimës, Sabrina Benga në fshatin Zhupan të Fierit.

31-vjeçari ishte arrestuar një vit më parë nga forcat RENEA pasi pati kërcënuar të vetëvritej për shkak se Benga kishte kërkuar divorcin.

Metaj ka qenë emigrant në Greqi. Përpara vrasjes së një nate më parë ai kishte pak kohë që kishte dalë nga burgu.

Inspektori i Lartë i Drejtësisë Artur Metani ka reaguar përmes një postimi në faqen e tij zyrtare në Twitter sa i takon ngjarjes.

Duke i shprehur ngushëllimet familjarëve për këtë humbje, dua të garantoj opinionin publik, se ky është një proces pune që Inspektori i Lartë i Drejtësisë
e kryen me vëmendje e ndjeshmëri të lartë dhe në zbatim të detyrimeve ligjore dhe funksionale. #ILD

— Inspektori i Larte i Drejtesise Artur Metani (@ILD_Albania) September 11, 2021

 Ai i ka shprehur ngushëllimet familjarëve, ndërsa i ka garantuar opinionit publik se i gjithë procesi i punës për hetimin e ngjarjeve të tilla është jo vetëm i trajtuar me vëmendje, por dhe me ndjeshmëri të lartë.

LEXONI GJITHASHTU: 

• 31-vjeçari vret ish-bashkëshorten në Fier