Bajrami nuk mjafton, Empoli mundet 2-1 në shtëpi nga Venezia

Futbollisti shqiptar i Empolit Nedim Bajrami nuk mjaftoi për t’i dhënë pikë skuadrës së Aurelio Andreazzolit, pasi Venezia i mundi ata 2-1 në shtëpi.

Në ndeshjen e vlefshme për javën e tretë të Serie-A, futbollisti i kombëtares shqiptare arriti të shënoi një gol me njëmbëdhjetëmetërsh në minutën e 89-të duke shkurtuar rezultatin 2-0 që Venezia kishte arritur që prej minutës së 68-të.

Për skuadrën e Paulo Zanettit golat u shënuan nga Thomas Henry në minutën e 13-të dhe Okereke në të 68-ën.

Në pjesën e parë Ardian Ismajli zhvilloi një lojë jo shumë pozitive pasi vuajti të markonte norvegjezin Johnesn.

Mbrojtësi i kombëtares u ndëshkua dhe me karton të verdhë në një përplasje me këtë të fundit që në minutën e 7-të.

Ismajli iu bashkua statistikave si një ndër pak lojtarë që ndëshkohen me kartonë të verdhë në të treja ndeshjet e para të një sezoni të Serie-A – lojtari i fundit që e bënte këtë ishte Lorenzo Tonelli sezonin e shkuar.

Për Venezian kjo ishte fitorja e parë që pas rikthimit në Serie-A, ndërsa Empoli rikthehet te humbja pas asaj me Lazion (3-1) në shtëpi. Në javën e dytë ata kishin surprizuar me një fitore në Torino përballë Juventusit.