Trajneri i Real Madrid: Nuk ka zhgënjim që s’arritëm transferimin e Mbappes

Trajneri i Real Madridit, Carlo Ancelotti thotë se nuk ndihen të “zhgënjyer” për faktin që nuk arritën të transferonin Kylian Mbappe në Spanjë.

“Nuk ka zhgënjim, por është e qartë se ai është një lojtar i madh dhe i urojmë fat. Ne kemi një skuadër shumë të fortë”, tha ai.

Madrilenët e kthyen vëmendjen tek sulmuesi i Kombëtares së Francës, por tentativat e tyre nuk shkoi sipas planeve.

Një ofertë prej 220 milionë eurosh për 22-vjeçarin u paraqit para përfundimit të afatit të merkatos verore.

Por përkundër insistimit të Real Madrid, PSG refuzoi shitjen e lojtarit pasi besojnë se francezi do të rinovojë kontratën me klubin nga Parc des Princes.