Nuk ka ‘pandemi’ për ndeshjen Shqipëri-Poloni, 22 mijë tifozë pritet të jenë në stadium

Pas fitores me Hungarinë, kreu i Federatës Shqiptare të Futbollit Armando Duka deklaroi se është marrë leje për të pasur stadiumin me kapacitet të plotë me Poloninë.

Por, sipas aktit normativ, në aktivitetet sportive lejohet vetëm pjesëmarrja me 30 % të kapaciteteve.

Ministria e shëndetësisë thotë për Euronews Albania se nuk është lëshuar ndonjë shkresë për ndeshjen e sotme dhe nuk dihet nëse është marrë miratimi edhe nga Komiteti Teknik i Ekspertëve.

Një ditë më parë kritika për hapjen e stadiumit në drejtim të FSHF-së adresoi edhe ish-zv/kryeministri Erion Braçe sipas të cilit nuk duhej lejuar kur vendi ka 40 % mbulesë vaksinale dhe po përballet me një numër të lartë vdekjesh.