A do takohen Erdogan e Mitsotakis? Turqia e Greqia marrin pjesë në forumin në Pragë

Në 6 tetor liderët e Bashkimit Europian do të takohen në forumin e Çekisë, por në këtë mbledhje është e ftuar edhe Turqia, Shqipëria, Kosova e vende të tjera të rajonit.

Në media kanë nisur të shtrohen pyetje nëse në Pragë kryeministri grek Mitsotakis dhe Presidenti Erdogan do të shtrëngojnë dorën.

Athina zyrtare është shprehur se do të mirëpres çdo ftesë të Ankarasë për një takim mes dy liderëve.

Tensionet e gjata midis dy vendeve, të cilat janë aleatë të NATO, por armiq historikë, janë ndezur kohët e fundit ku palët akuzojnë njëri-tjetrin për shkelje të traktateve dhe provokime.

Pak kohë më parë presidenti Erdogan u shpreh se kryeministri Mitsotakis “nuk ekziston më” për të, pasi ky i fundit gjatë një vizite në SHBA loboi për të bllokuar shitjen e avionëve turq luftarakë F-16, pavarësisht se më parë kishte rënë dakord me Erdogan “për të mos përfshirë vendet e treta në mosmarrëveshje”.

Por pritet të shihet çfarë do të ndodh në forumin e Pragës?

Samiti i Komunitetit Politik Evropian – një ide e presidentit francez Emmanuel Macron, do të zhvillohet më 6 tetor dhe do të fokusohet në konfliktin në Ukrainë dhe sigurinë energjetike.

LEXONI GJITHASHTU: 

• Propozimi për rritjen e taksës së pronës, çmimet referencë zëvendësohen me të tregut
• ‘Ethet’ e garës, kush janë kryebashkiakët që do rikonfirmojë Rama