A e kanë frikë Messin? Përgjigjja epike e Luca Modric

Pasi mposhti Brazilin dhe siguroi gjysmëfinalen, Kombëtarja e Kroacisë po finalizon përgatitjet në Katar për ndeshjen kundër Argjentinës.

Ndeshja e së martës është pengesa e fundit për Kroacinë për të luajtur në finalen e saj të dytë radhazi të Kupës së Botës.

Argjentina e Leo Messit do ta presë me padurim.

E ndër ata që bie në sy në këtë ekip është pikërisht kapiteni  Luka Modric.

“Mezi pres të luaj një tjetër gjysmëfinale kundër një ekipi të madh, kjo është ajo që pres me padurim, jo vetëm kundër një lojtari. Sigurisht që Leo është më i miri i tyre , dhe do të kemi shumë vështirësi ta ndalojmë, por ne jemi gati dhe do të japim gjithçka. Shpresoj të jetë e mjaftueshme për të qenë në finale, dua të luaj një tjetër gjysmëfinale”.- thotë ai.

Modric premton emocione, por nuk guxon të bëjë një parashikim për rezultatin.

 “Kemi shumë besim dhe kur bëhet fjalë për këto momente po tregojmë një mentalitet shumë të fortë”.- shton ai.

Këtë të martë do të mësohet finalistja e parë e Botërorit Katar 2022 Argjentina apo shteti Ballkanik Kroacia.