A rrezikohet viti akademik? Pedagogu: Urojmë të mos shkojmë drejt kësaj

Pedagogu Sandër Kovaçi, në një intervistë për Euronews Albania, bëri me dije se nuk pati asnjë marrëveshje për kërkesat e pedagogëve,  në takimin që zhvilluan me ministren e Arsimit Evis Kushi.

Pedagogu theksoi se ndalimi i protestave të pedagogëve do të ndodhë atëherë kur të plotesohen pikat e kërkuara nga ana e tyre.

“Ndalimi i protestave apo bojkotit do të realizohet vetëm në ditën kur të kemi një marrëveshje me kryeministrin. Ne duam diçka konkrete se me premtime jemi mbajtur boll. Duam shkresë të firmosur nga zyrtarët e qeverisë. U bëj thirrje të gjithëve që me datën 5 tetor para Universitetit politeknik, të marrin pjesë në tubimin intelektualë”- deklaroi Kovaçi.

I pyetur se a rrezikohet viti akademik nëse nuk u realizohen kërkesat, pedagogu tha se uron që të mos shkojnë drejt këtij vendimi.

“Uroj që data 17 të mos jetë si datë proteste apo bojkoti, por  kjo do të jetë në vijim nëse nuk do të kemi marrëveshje. Ia vlen një javë ose dy javë sakrificë për një të ardhme  më të mirë dhe më cilësore në mësimdhënie. Dhe studentët besoj se do të na kuptojnë”-nënvizoi pedagogu.

LEXONI GJITHASHTU: 

• Pedagogët në protestë, pa rritje pagash nuk nis viti akademik
• Pedagogët paralajmërojnë protestë tjetër më 5 tetor, thirrja për Ramën
• Rimbursim me 100 euro në muaj, studentët dorëzojnë nesër peticionin në Kryeministri