Abuzuan me të burgosurin palestinez, kërkohet arrest shtëpie për ushtarët izraelitë

Prokuroria ushtarake izraelite ka kërkuar që pesë ushtarë izraelitë të akuzuar për përdhunimin në grup të një të burgosuri palestinez të lirohen në arrest shtëpiak, ndërsa hetimi ndaj tyre vazhdon, tha ushtria në një deklaratë.

Kërkesa do t’i mbante ushtarët në paraburgim deri më 22 gusht, sipas ushtrisë.

Times of Israel, duke cituar ekipin mbrojtës të ushtarëve, raportoi se masa e arrestit shtëpiak është pjesë e një marrëveshjeje të arritur midis prokurorisë dhe mbrojtjes, që do të paraqitet para një gjykate ushtarake më vonë sot.

Siç kemi raportuar, pesë ushtarë izraelitë janë nën hetim për përdhunimin e dyshuar të një palestineze në qendrën e paraburgimit Sde Teiman në shkretëtirën Negev.

Rasti mbështetet nga një video e ushtarëve në objekt që dyshohet se abuzojnë me një palestinez, i cili mbeti i shtruar në spital dhe i paaftë për të ecur, sipas mediave izraelite.

LEXONI GJITHASHTU:

• Rreth 800 izraelitë hynë dhunshëm në xhaminë Al-Aksa për një ritual hebraik
• Abuzuan me të burgosurin palestinez, zgjatet paraburgimi për 5 ushtarët izraelitë