Adri Nurellari: Qeveria e instrumentalizoi programin e vaksinimit për fushatë

Për politologun Adri Nurellari qeveria e ka instrumentalizuar programin e vaksinimit për çështje elektorale.

Në emisionin “Ilva Now”, Nurellari ngriti pretendimin se nëse qeveria do të ishte treguar “mendje-hapur” ndaj propozimit të ambasadës ruse për të marrë vaksinën “Sputnik V” që në dhjetor, situata me pandeminë do të ishte ndryshe. Ai e lidhi “përgjigjen arrogante” të kryeministrit Rama me një “orkestrim të programit të vaksinimit” që ai “të niste për fushatë”.

“Kemi evoluar tashmë, nga një fushatë asfalti, te vaksinat, fushata tanimë bëhet me jetët e njerëzve,” – këmbënguli Nurellari duke e kritikuar qasjen e qeverisë si abuzive.

“E dimë që në dhjetor që kishte një ftesë nga ambasadori rus për vaksinën Sputnik V dhe kryeministri nuk e mori, shtetet e tjera të rajonit nisën kontaktet me Kinën dhe vendet lindore, por qeveria shqiptare refuzoi edhe me arrogancë në fund të shkurtit,” – tha Nurellari, i cili pretendoi se përpara muajit shkurt “vaksinat vinin dhe bëheshin me piaktore”.

LEXONI GJITHASHTU:

• Gazetari Erl Murati zbërthen domethënien e taktikave elektorale të PS dhe PD
• Publikimi i dhënave personale, Adri Nurellari: Vjedhje. Edlira Gjoni: Përbën shkelje flagrante