Aksident në Gjermani, makina merr përpara një grup këmbësorësh

Disa njerëz janë lënduar në qytetin jugperëndimor të Gjermanisë, Shtutgart, pasi një veturë shtypi një grup këmbësorësh në trotuar, njoftuan autoritetet të premten.

Shoferi i veturës u arrestua në vendngjarje, sipas autoriteteve.

Derisa Departamenti i Zjarrfikësve i Shtutgartit e cilësoi ngjarjen si “aksident” përmes një postimi në X, Policia tha se është tepër herët të përcaktohet shkaktari.

Policia tha se ngjarja ndodhi në një stacion mbitokësor të metrosë në qendër të Shtutgartit.

Shoferi i veturës Mercedes me ngjyrë të zezë që shtypi njerëzit, u arrestua, tha një zëdhënës i policisë, sipas agjencisë së lajmeve DPA.

Autoritetet gjermane e kanë nisur një hetim për rastin dhe e kanë rrethuar zonën.

Policia është duke i marrë në pyetje dëshmitarët e rastit, ndërsa shërbimet e metrosë në atë pjesë të qytetit janë pezulluar.

LEXONI GJITHASHTU:

• EMRAT| Në kërkim për vepra të ndryshme, ekstradohen nga Gjermania e Italia 2 shtetas
• Gjermania 70 vite në NATO, presidenti Steinmeier: Mund të mbështeteni te ne