Aksident pranë tunelit të Skërficës, përmbyset një maune

Një maune është përmbysur duke shkaktuar aksident në afërsi të tunelit të Skërficës, në pjesën e Delvinës, përgjatë aksit rrugor Gjirokastër–Delvinë.

Sipas informacioneve paraprake, shkak i aksidentit dyshohet të ketë qenë prezenca e naftës në rrugë, e cila ka bërë që mjeti të humbasë kontrollin. Shoferi i maunes ka manovruar në kohë, duke shmangur përplasjen me automjetet që qarkullonin përpara tij.

Menjëherë në vendngjarje kanë mbërritur shërbimet e Policisë Rrugore dhe zjarrfikësit, të cilët kanë ndërhyrë për normalizimin e situatës dhe sigurimin e qarkullimit.

Nga aksidenti nuk raportohet për probleme serioze shëndetësore për drejtuesin e mjetit, ndërsa janë konstatuar vetëm dëme materiale. Policia po punon për zbardhjen e plotë të rrethanave të ngjarjes.