Aksidenti hekurudhor në Londër, njëri tren kishte kaluar me semafor të kuq pak para përplasjes

Detaje të reja kanë dalë në dritë rreth aksidentit mes dy trenave në veri të Londrës ku si pasojë humbi jetën një person dhe plagosi rreth 100 të tjerë. Rreth orës 17:15, në jug të Elstow, treni i orës 15:50 nga Nottingham u ndal për shkak të një defekti sigurie dhe disa minuta më vonë treni i orës 16:40 nga Corby u përplas me të.

Sipas hetuesve, makinisti 60-vjeçar i trenit të dytë, i cili u vra, dyshohet se kaloi me dritë të kuqe vetëm disa sekonda para aksidentit. Një raport nga Dega e Hetimit të Aksidenteve Hekurudhore (RAIB), treni i Burton kaloi me dritë të kuqe pranë vendit të aksidentit në Elstow.

Megjithatë, raporti thotë se nuk është ende e mundur të përcaktohet se çfarë sinjali mori makinisti nga pajisjet e Sistemit Automatik të Paralajmërimit (AWS) të instaluara në tren. RAIB zbuloi se treni i bllokuar ishte ndalur papritur për shkak të një defekti në pajisjet e Sistemit Automatik të Paralajmërimit (AWS).

Sipas hetuesve, të dhënat tregojnë se drita pas trenit të bllokuar ishte e kuqe. Treni, i cili kishte filluar udhëtimin e tij nga Corby, kaloi nëpër një semafor të kuq dhe frenat e tij u aplikuan për rreth nëntë sekonda para përplasjes, kur treni po udhëtonte me rreth 122 kilometra në orë.

Shpejtësia e tij kishte rënë në rreth 79 kilometra në orë kur ndodhi përplasja. Policia Britanike e Transportit konfirmoi se 53 persona mbeten në spital, tetë prej të cilëve në gjendje kritike.