Aksidenti me 4 viktima, Gjykata e Vlorës cakton masën e sigurisë për 22-vjeçarin

22-vjeçari Igli Madani është lënë në burg nga Gjykata e Vlorës, pasi të premten shkaktoi aksidentin tragjik që i mori jetën tragjikisht 4 anëtarëve të familjes Gushi në autostradën Fier-Vlorë.

Madani nuk ishte i pranishëm në seancë, pasi ndodhet ende në spitalin rajonal, por është paraqitur avokati i tij me prokurë.

Seanca është drejtuar nga gjykatësja Viola Canaj, e cila caktoi masën e sigurisë “arrest me burg”, ndërsa nga hetimet paraprake dyshohet se shkak i aksidentit ka qenë shpejtësia tejet e madhe.

Në aksidentin e ndodhur mëngjesin e 25 qershorit humbën jetën 4 anëtarët e familjes Gushi, Eduart Gushi, 44-vjeç, Silvana Gushi, 33-vjeç,  A. G 14-vjeçe dhe E.G 9-vjeçe, të cilët udhëtonin me mjetin tip “Toyota”.

Ndërkohë, u plagosën edhe 3 personat që ndodheshin në mjetin tip “Audi”: shoferi Igli Madani, Fabio Lamaj dhe Glori Selimi, të cilët ndodhen jashtë rrezikut për jetën.

LEXONI GJITHASHTU:

• 90 të vdekur nga aksidentet në 5 muaj, në 80% të rasteve shkak shoferët
• Shuhet një familje në aksident, 4 viktima dhe 3 të plagosur në autostradën “Pavarësia”
• Aksidenti me katër të vdekur në një familje, arrestohet i riu me “Audi”