Aksidenti në Kroaci, pjesa më e madhe e viktimave nga komuna e Gjakovës

E hëna është shpallur ditë zie në Kosovë, pas aksidentit tragjik që ndodhi të dielën në Kroaci, ku mbetën të vdekur 10 persona dhe mbi 40 të tjerë u plagosën.

Gazetari i Euronews Albania, Kosovë Gjoci raporton se deri më tani janë identifikuar 7 viktima. Ai tha se pjesa më e madhe e viktimave janë nga komuna e Gjakovës dhe 2 viktima janë nga komuna e Rahovecit.

Ndërkohë, dy nga personat e plagosur janë dërguar në spitalin Zagrebit në Kroaci, për shkak të gjendjes së rëndë shëndetësore.

Shkak i aksidentit dyshohet se është bërë përgjumja e shoferit, por ende nuk ka një version zyrtar për ngjarjen.

Autoritetet e Kosovës dhe ato të Kroacisë po punojnë për organizimin e sjelljes në Kosovë të qytetareve që kanë shpëtuar pa lëndime dhe atyre me lëndime te lehta.

Pas marrjes se lajmit për aksidentin, Presidentja Vjosa Osmani e ka ndërprerë vizitën në Japoni dhe kthehet sot në Kosovë, ndërsa kryeministri Albin Kurti ka parë nga afër gjendjen e të plagosurve.

LEXONI GJITHASHTU:

• Të plagosurit nga aksidenti në Kroaci jashtë rrezikut për jetën, thotë deputetja
• 10 të vdekur e 44 të plagosur nga aksidenti i një autobusi të Kosovës në Kroaci
• Aksidenti tragjik në Kroaci, pasagjeri tregon çastet e vështira