Aksidentohet autobusi me 40 nxënës në Australi, humbet jetën një vajzë

Një autobus që po transportonte 40 nxënës nga Kolegji i Krishterë Geelong në Melbourne u përmbys në rrugë. Mësohet se aksidenti ka ndodhur pranë qytetit të Geelong të mërkurën në mëngjes në Australi.

Fatkeqësisht nga aksidenti ka humbur jetën një vajzë. Një nxënës mësohet se ka marrë dëmtime të rënda dhe është transportuar me helikopter në spital. Nga aksidenti u plagosën edhe dhjetë studentë të tjerë, përfshirë shoferin. Ata u dërguan në spital me lëndime të lehta.

Tetë ambulanca mbërritën në vendngjarje, përfshirë helikopterë si dhe njësi të tjera të kujdesit intensiv. Ende nuk dihen shkaqet e këtij aksidenti ndërsa autoritetet kanë nisur hetimet. Ky incident vjen pas të shtënave në SHBA ku humbën jetën dy nxënës.