Aksioni në bregdet, procedohen penalisht 13 persona në Seman dhe Darzezë

Operacioni “Bregdeti ynë” ka vijuar në Seman, Darzezë dhe Divjakë ku janë proceduar penalisht 13 persona me akuzën “Pushtimi i tokës”.

Ditën e djeshme në Seman janë liruar 8 parcela bregdetare, ndërsa në Darzezë, 5 të tilla. Në total bëhet fjalë për 799 shezlongë dhe 398 çadra të shpërndara në 13 parcela që janë liruar falë aksionit për lirimin e hapësirave bregdetare, të zaptuara në mënyrë të paligjshme.

Aksioni për lirimin e vijës bregdetare ka nisur që prej ditës së djeshme në bregdetin e Velipojës, Golemit, Vlorës, Lezhës dhe Durrësit.

Plani për këtë operacion është hartuar nga Drejtoria e Përgjithshme e Policisë së Shtetit, e cila ka në fokus personat që kanë zaptuar tokë përgjatë vijës bregdetare pa marrë konfirmimin nga e-Albania.

LEXONI GJITHASHTU: 

• Aksion policor në bregdetet e vendit për lirimin e hapësirave të zaptuara në mënyrë të paligjshme
• 4 të vrarë e 2 të plagosur pas një përplasje me armë në Velipojë
• Ekspertja e cilëson antireklamë për turizmin aksionin e qeverisë për të liruar plazhet në mes të sezonit