Aktori i njohur amerikan, Val Kilmer humb jetën në moshën 65-vjeçare
Val Kilmer, aktori i njohur amerikan që ka luajtur role ikonike si Jim Morrison dhe Batman, ka ndërruar jetë në moshën 65 vjeçare. Shkaku i vdekjes së tij ishte pneumonia, konfirmoi vajza e tij, Mercedes Kilmer. Ylli i Hollivudit ishte diagnostikuar me kancer në fyt në vitin 2014, por arrti të mposhte sëmundjen.
Kilmer lindi më 31 dhjetor 1959 në Los Anxhelos, në një familje me origjinë skoceze, irlandeze, suedeze dhe gjermane. Prindërit e tij u divorcuan kur ai ishte vetëm 8 vjeç, ndërsa ai kaloi pjesën më të madhe të fëmijërisë së tij në Luginën e San Fernando me babanë dhe vëllezërit e motrat. Një ngjarje tragjike në familjen e tij ishte vdekja e vëllait të tij të vogël, Uesli, i cili u mbyt në pishinë në moshën 15-vjeçare. Babai i tij vdiq më 1993.
Kilmer nisi karrierën e tij artistike në vitin 1977, kur u pranua në Julliard, ku u vu re nga regjisori i njohur Francis Ford Coppola. Megjithatë, ai refuzoi një ofertë për të luajtur në filmin ‘The Outsiders’ për të qëndruar në kompaninë teatrore. Në vitin 1983, ai debutoi në Broadway dhe më pas shfaqi talentin e tij në filmin komedi ‘Top Secret!’ (1984). Ky ishte fillimi i një karriere të suksesshme në Hollivud.
Kilmer u bë i famshëm për rolin e tij si “Iceman” në filmin ‘Top Gun’ (1986), dhe më pas luajti si Jim Morrison në biografinë ‘The Doors’ (1991), ku u përfshi në një transformim të plotë për t’u bërë një nga portretet më të paharrueshme të këngëtarit legjendar. Gjatë karrierës së tij, Kilmer ka luajtur në një sërë filmash të suksesshëm, duke përfshirë ‘True Romance’ (1993), ‘Heat’ (1995), dhe ‘Wonderland’ (2003).
Në jetën personale, Kilmer ishte i martuar me aktoren Joanne Whalley, me të cilën pati dy fëmijë: Mercedes dhe Jack. Pas divorcit të tyre në vitin 1996, Kilmer vazhdoi të ishte një figurë e njohur në botën e kinemasë, dhe më vonë u ribashkua me regjisorin Tony Scott për disa projekte, duke përfshirë filmin ‘Déjà Vu’ (2006) dhe ‘Top Gun: Maverick’ (2022), ku ai riprodhoi rolin e tij të famshëm si “Iceman”.
LEXONI GJITHASHTU:
Çmimet e konsumit në mbarë Evropën, cilat vende janë më të shtrenjtat dhe më të lirat?
Garda Revolucionare paralajmëron anijet: Do marrim masa nëse kaloni pa leje në Ngushticën e Hormuzit
Trump reagon për Andy Burnham: Kam dëgjuar se është jashtëzakonisht liberal
- 09:05 Çmimet e konsumit në mbarë Evropën, cilat vende janë më të shtrenjtat dhe më të lirat?
- 09:05 Garda Revolucionare paralajmëron anijet: Do marrim masa nëse kaloni pa leje në Ngushticën e Hormuzit
- 08:54 Trump reagon për Andy Burnham: Kam dëgjuar se është jashtëzakonisht liberal
- 08:50 Zvicra mposht Kanadanë 2-1, kualifikohet si kryesuese e Grupit B
- 08:45 Helmohen disa studentë në Akademinë e Sigurisë, nisin hetimet
- 08:44 Tërmetet dëmtojnë rrjetin e internetit në Venezuelë, shpallet gjendja e jashtëzakonshme