Aktori Richard Gere kritikon ashpër Trumpin: Kush do ta kishte menduar se…

Aktori amerikan Richard Gere e ka quajtur Presidentin Donald Trump si “një maniak” që shkatërron “gjithçka që është e mirë”.

Richard Gere, i njohur për filma të tillë si “Pretty Woman” dhe “American Gigolo”, pohoi se po jetojmë në momentin më të errët që kemi njohur ndonjëherë në këtë planet”.

“Kush do ta kishte menduar se Amerika mund të ndryshonte kështu? Kush do ta kishte menduar se një maniak i tillë mund të bëhej president i Shteteve të Bashkuara?”,  tha aktori 76-vjeçar amerikan, sipas El Pais.

Richard Gere ishte në Oslo, kryeqytetin e Norvegjisë, të martën për t’i dorëzuar ” Çmimin Ndërkombëtar Vaclav Havel për Mospajtim Kreativ” artistit kinez Gao Zhen, i burgosur në vendin e tij, dhe disidentit burmez Sai, me rastin e Forumit të Lirisë së Oslos.

“Që nga dita e parë, ky djalë ka shkatërruar pothuajse çdo gjë të mirë te qeveria amerikane dhe populli amerikan. ‘Si ishte e mundur kjo? Sepse ne ramë në gjumë. Nuk u shqetësuam. Nuk votuam. Nuk dëgjuam vërtet ‘”, tha Richard Gere, duke folur para qindra njerëzve.

Aktori theksoi se kohët e fundit vizitoi ish-kampin e përqendrimit nazist në Dachau, prandaj paralajmëroi për apatinë e shoqërisë.

“Duhet të shohim sinjalet, këtë diktaturë përbindëshash, sa shpejt po përhapet. Duhet të mbetemi vigjilentë “, tha Richard Gere.

Në shkurt të vitit 2025, Richard Gere e përshkroi Donald Trumpin si një “ngacmues”, një term në anglisht që përdoret për të përshkruar një personazh brutal që ngacmon njerëz të tjerë.

I konvertuar në budizëm dhe mbështetës i Tibetit, Richard Gere është takuar shpesh me Dalai Lamën, udhëheqësin shpirtëror tibetian në mërgim, të cilin Pekini e akuzon për nxitje të separatizmit.

Që nga viti 2024, aktori amerikan jeton në Spanjë me gruan e tij spanjolle, Alejandra Silva.