Akuzat për shitblerje të votave, shtyhet për në 29 janar seanca për ‘Dosjen 184’

Shtyhet për në datën 29 janar seanca gjyqësore për “Dosjen 184”, ku janë nën hetim 4 persona për shitblerje votash në vitin 2016.

Ky vendim u mor nga Gjykata e Dibrës, pasi avokati i Partisë Demokratike në cilësinë e palës paditëse kërkoi kohë që të njihet me aktet e prokurorisë.

Në dhjetor të vitit 2020, Prokuroria e Dibrës njoftoi për përfundimin e hetimeve, sa i përket akuzave për ndikime dhe manipulime të zgjedhjeve lokale të vitit 2016.

Kjo prokurori dërgoi për gjykim vetëm katër nga dhjetë të akuzuarit.

Tashmë po përmballen me drejtësinë për shpërdorim detyre dhe kanosje të zgjedhësve: Robert Aga, ish-shef komisariati Dibër, Drini Gjeci, ish-drejtor i arsimit Dibër, Nuri Meda, ish-zyrtar i njësisë administrativeTomin dhe Hasan Hoti, ish-zyrtar i njësisë administrative Lurë. 

Kjo çështje u kthye në “ping-pong” nga prokuroria e Dibrës, ish-prokuroria e Krimeve të Rënda dhe SPAK-u, të cilat shpallën moskompetencën.

Për këtë situatë Prokuroria e Përgjithshme zgjidhi mosmarrëveshjen duke caktuar prokurorinë e Dibrës si kompetente.

Lexoni gjithashtu:

Mbyllen hetimet për përgjimet e ”Dosjes 184”, prokuroria dërgon në gjyq vetëm katër persona

Mbyllja e hetimeve për “Dosjen 184”, Partia Demokratike: Nuk u bë drejtësi