Akuzat për të dhënat personale, Meta: I drejtohem SPAK-ut të nisë hetimet për çështjen

Partia Demokratike denoncoi Partinë Socialiste se ka përdorur portalin e-Albania për të vjedhur të dhënat e përdoruesve.

Për këtë çështje, presidenti i vendit, Ilir Meta dha një deklaratë për mediat nga qyteti i Pogradecit ku pohoi se sipas tij, keqpërdorimi dhe vjedhja nga ana e PS-së është një shkelje e papranueshme dhe një formë e poshtër për të bërë presion.

“Koha që shqiptarët kishin frikë nga qeveria ka mbaruar përgjithmonë. Data e fundit ishte 2 marsi. Tani fillon koha që qeveria e re, jo kjo që ka ikur, dhe që ka ikur dhe nga mendja përveç të tjerave, sepse vetëm shkel ligjin çdo ditë, pra po vjen koha që qeveria që do të vijë dhe ato që do të vijnë do të kenë frikë nga populli,” – tha presidenti Meta.

Sa i takon bojkotit të punës së kontrollorëve, që kryeministri Rama e konsideroi rezultat të një komploti ku presidenti Meta ishte i përfshirë, ai vetë tha se nuk mund t’i kushtonte rëndësi komenteve që sipas presidentit janë çmenduri që vetëm një i marrë mund t’i thotë.

LEXONI GJITHASHTU: 

• Rama takim me të rinjtë në Gramsh: Luftën me COVID mund ta fitojë vetëm PS, me të tjerët harrojeni
• Basha takim me gra profesioniste: Mungesa e bilancit ekonomik ka prishur ekuilibrat e shoqërisë