Akuzohej për dhunë seksuale, lirohet për mungesë provash shefi i policisë Fushë-Arrëz

Ka zgjatur më pak se 24 orë arrestimi për abuzim seksual i shefit të komisariatit Fushë-Arrëz, Izmir Duraku.

Prokuroria urdhëroi lirimin e tij mbrëmjen e së shtunës me argumentin se “nuk ka prova të mjaftueshme për të përligjur arrestimin”.

Duraku u akuzua se 5 vite më parë, kur ishte me detyrë Specialist i Hetimeve të Krimeve në Policinë e Shkodrës, kishte dhunuar një vajzë të Shtëpisë së Fëmijës, e cila asokohe i ishte drejtuar për të denoncuar abuzimin nga 4 persona të tjerë.

Shefi i policisë u arrestua mbrëmjen e së premtes, ndërsa të shtunën u pezullua nga detyra me ministrin e Brendshëm, Sandër Lleshaj i cili e dënoi rastin duke theksuar se nuk do të kishte tolerancë.

Lexoni gjithashtu:

Polici akuzohet se përdhunoi viktimën e abuzimit seksual, Lleshaj paralajmëron ashpërsim të ligjit

Ndalohet shefi i Stacionit Policor në Fushë-Arrëz, dyshohet se përdhunoi viktimën që shkoi të denonconte abuzimin seksual