Alda Bardhyli për Nobelin në Letërsi: Gluck është një autoritet i letrave botërore

Duke e cilësuar laureaten e saposhpallur të Çmimit Nobel Louise Gluck një autoritet në fushën e letrave botërore, Alda Bardhyli, drejtorja e Qendrës Kombëtare të Librit dhe Leximit tha se nderimi i poetes amerikane nuk ishte befasi.

“Ajo ka qenë poetja laureate e Amerikës nga viti 2003-2004, që është një çmim shumë i rëndësishëm që Amerika ia akordon çdo dy vjet një personaliteti në fushën e poezisë. Është shumë aktive në jetën publike amerikane. Është vlerësuar gjithmonë nga kritika,” deklaroi Bardhyli.

Sipas drejtores së QKLL, ishte deri diku e pritshme që këtë vit “Nobeli” të drejtohej nga poezia, pasi çdo dekadë çmimi i akordohet një poeti.

Duke komentuar mbi kandidatët më të përfolur, Bardhyli tha se emri i laureates Gluck ishte më pak i përfolur, por poezia e saj e saj cilësore është shumë e pranishme në diskutimet letrare në botë.

Bardhyli, e cila ndër të tjera është gjithashtu e fokusuar tek shqipërimet, tha me optimizëm se shpesh herë Nobeli mbetet një surprizë për audiencën.

 “Shohim një rikthim të Akademisë në kostumin e vet konservator, pas kritikave të shumta që ka marrë, me këtë çmim Akademia rikthen besueshmërinë tek ky institucion i rëndësishëm i gjykimit të veprave botërore.