Aleatja e kryeministrit hungarez dorëhiqet pas fjalimit të tij nazist

Anëtarja e rrethit të ngushtë të kryeministrit hungarez Viktor Orban ka dhënë dorëheqjen pasi ky i fundit mbajti një fjalim kundër “popuj të racës së përzier”.

Zsuzsa Hegedus e cila e ka njohur nacionalistin Orban për 20 vjet, e ka përshkruar fjalimin si “të pastër nazist”, shkruajnë mediat hungareze.

Komiteti Ndërkombëtar i Auschwitzit për të mbijetuarit e Holokaustit e ka konsideruar fjalimin si “të rrezikshëm”.

Zëdhënësi i Orbanit ka thënë se mediat i kanë keqinterpretuar komentet.

Orban ka mbajtur fjalimin të shtunën në një rajon të Rumanisë, që ka komunitet të madh hungarez.

Ai ka thënë se popujt evropianë duhet të jenë të lirë që të bashkohen me njëri-tjetrin, por përzierja me joevropianët krijon “një botë me raca të përziera”.

LEXONI GJITHASHTU:

• ‘BE-së i duhet strategji e re’, Orban: Sanksionet kundër Rusisë nuk funksionuan
• Hungaria ‘paralizon’ BE-në, Orban pengon votimin e embargos së naftës ruse