Alpet Franceze goditen nga një tjetër ortek, humbin jetën dy skiator

Një skiator i tretë britanik dhe një polak janë vrarë nga një ortek në Alpet Franceze. Burrat po bënin ski me një grup prej katër personash kur orteku ra pranë qytetit turistik La Grave të martën në mëngjes, raportuan mediat lokale.

Ekipet e shpëtimit mbërritën në vendngjarje, por britaniku dhe shtetasi polak u shpallën të vdekur, raportoi The Guardian.

Vdekjet e fundit vijnë pasi dy burra britanikë ishin midis tre të vrarëve në një ortek në vendpushimin e skive Val d’Isère të premten në mëngjes. Autoritetet lokale kanë nisur hetimet për të përcaktuar shkakun e vdekjes në të dy ortekët.

Të martën, një paralajmërim për ortekë u lëshua për Alpet veriore dhe Hautes-Alpes, që përfshin La Grave, nga Meteo-France, shërbimi kombëtar i motit i vendit.

Thuhet se rreziku i ortekut mbeti i lartë të mërkurën, ndërsa parashikohej mot me diell, duke çuar në shkrirjen e akullit.

Një zëdhënës i Zyrës së Jashtme, Komonuelthit dhe Zhvillimit të Mbretërisë së Bashkuar tha:

“Ne po mbështesim familjen e një burri britanik që vdiq në Francë dhe jemi në kontakt me autoritetet lokale”.