Ambasada e SHBA në Emiratet e Bashkuara Arabe anulon të gjitha takimet konsullore, shkak situata e sigurisë rajonale

SHBA-të kanë anuluar të gjitha takimet konsullore në ditët në vijim në ambasadën dhe konsullatën e tyre në Emiratet e Bashkuara Arabe për shkak të situatës së sigurisë rajonale.

Në një postim në X, Ambasada u këshilloi amerikanëve që kanë takime konsullore nga 13-15 korriku të mos paraqiten për to.

Gjithashtu, ajo përsëriti se ambasada dhe konsullata mbeten në statusin e urdhëruar të largimit, që do të thotë se personeli jo-emergjent i qeverisë amerikane është zhvendosur jashtë Emirateve të Bashkuara Arabe dhe se shërbimet rutinë të vizave mbeten të pezulluara.

Anulimi vjen në një kohë kur Irani ka shtuar sulmet e tij ndaj fqinjëve të Gjirit, përfshirë Emiratet e Bashkuara Arabe, ndërsa marrëveshja midis Uashingtonit dhe Teheranit po prishet.

Raketat e qëlluara gjatë natës së së shtunës nuk arritën në territorin e Emirateve të Bashkuara Arabe, sipas një deklarate nga Autoriteti Kombëtar i Krizave të Emergjencave (NCEMA) i vendit.