Ambasadori i Italisë në Shqipëri: I trishtuar nga ngjarjet e ditëve të fundit

Ambasadori i Italisë në Shqipëri, Fabrizio Bucci ka reaguar për vrasjen e të riut Klodian Rasha nga një efektiv i repartit të forcave “Shqiponja”.

Me një shënim në faqen zyrtare në “twitter”, diplomati italian thotë se ndihet i trishtuar, ndërsa beson në zbardhjen e plotë të ngjarjes.

“I trishtuar nga ngjarjet e ditëve të fundit. I gjendem pranë familjes së Klodian Rashës dhe jam i sigurt se drejtësia do të vihet në vend”, shkruan ai.

Vrasja e të riut reflektoi revoltë tek qytetarët, të cilët nuk kursyen as konfrontimet fizike me punonjësit e Policisë së Shtetit në dy ditë protestë.

Ambasadori i vendit fqinj shtoi se është pro protestave të qeta dhe paqësore dhe kundër dhunës. 

I trishtuar nga ngjarjet e ditëve të fundit. I gjendem pranë familjes së Klodian Rashës dhe jam i sigurt se drejtësia do të vihet në vend. Por jam kundër përplasjeve dhe dhunës: e drejta për të protestuar duhet të ushtrohet në mënyrë paqësore. Kështu funksionon në demokraci.

— Fabrizio Bucci (@ItalianAmbALB) December 11, 2020

“Por jam kundër përplasjeve dhe dhunës: e drejta për të protestuar duhet të ushtrohet në mënyrë paqësore. Kështu funksionon në demokraci”, shtoi ai.

Qytetarët kanë bërë sërish thirrje për protestë ditën e sotëm para kryeministrisë në orën 18:00. 

Lexoni gjithashtu:

Jep dorëheqjen ministri Sandër Lleshaj

”Qëllova drejt këmbëve të Rashës”, dëshmon efektivi: Klodiani bërtiti, e gjeta pa shenja jete

Gjykata e Tiranës lë në qeli efektivin që vrau Klodian Rashën