Ambasadori Soreca thirrje qytetarëve të rinovojnë dokumentet biometrike, pas takimit me ministrin Çuçi

Ambasadori i Bashkimit Europian në Shqipëri, z. Luigi Soreca dhe ministri i Brendshëm Bledi Çuçi u takuan ditën e sotme, lajmëroi përmes një postimi në Twitter kreu i delegacionit të BE në vend.

Sipas ambasadorit Soreca, diskutimi pati në qendër bashkëpunimin Shqipëri-BE për tema, që lidhen me luftën kundër krimit të organizuar, krimin financiar, migracionin, azilkërkimin dhe sundimin e ligjit sipas Instrumenti i Para-Aderimit IPA III dhe me ndihmën e Agjencive të BE.

“Diskutuam gjithashtu përgatitjet për zgjedhjet e ardhshme dhe punën e vazhdueshme nga ministria e Brendshme për të siguruar se listat zgjedhore janë të sakta,” tha ambasadori Soreca.

“Është shumë urgjente që qytetarët shqiptarë të rinovojnë pa vonesë dokumentet e tyre biometrike të ID-së për të qenë në gjendje të votojnë në 25 prill 2021,” – përfundoi kreu i BE në Shqipëri. 

Productive first meeting with @bledicuci??as Minister of the Interior. #EU??fully committed to further enhance cooperation on fight against #organisedcrime, financial crime, migration, asylum and rule of law under #IPAIII and with assistance of EU??Agencies. We discussed…1/2 pic.twitter.com/WYmI9vW7ep

— Luigi Soreca?? (@LSorecaEU) January 14, 2021

Ministri i Brendshëm Bledi Çuçi, i emëruar së fundmi nga kryeministri Rama pas dorëheqjes së ish-ministrit Sandër Lleshaj, shpërndau gjithashtu në profilin e tij zyrtar në Twitter postimin e ambasadorit të BE.

Zgjedhjet parlamentare në Shqipëri do të mbahen më 25 prill.