Ambasadorja e SHBA Yuri Kim: Pata nderin t’ia dorëzoja kryeministrit Rama një letër nga Trump

Ambasadorja e Shteteve të Bashkuara të Amerikës në Tiranë, Yuri Kim thotë se i ka dorëzuar kryeministrit Edi Rama, një letër, të cilën ia ka dërguar vetë presidenti Donald Trump.  

Me një shënim në faqen zyrtare në “Twitter”, kryediplomatja amerikane nënvizon se shefi i Shtëpisë së Bardhë e ka përgëzuar kryeministrin Rama për rolin dhe udhëheqësinë, që ky i fundit ka luajtur në Ballkanin Perendimor dhe Evropë.

“Pata nderin t’ia dorëzoja Kryeministrit Edi Rama një letër nga Presidentit Donald Trump duke falënderuar udhëheqjen në Ballkan dhe Evropë; refuzimi i praktikave abuzive të Kinës; dhe mbështetjen e normalizimit ekonomik midis Serbisë dhe Kosovës si dhe Marrëveshjen e Abrahamit. #KrahPerKrah”, shkruan ambasadorja Kim. 

I had the honor to deliver to PM @ediramaal a letter from Pres @realDonaldTrump thanking ??leadership in the Balkans & Europe; rejecting China’s abusive practices; & supporting economic normalization between Serbia & Kosovo as well as the Abraham Agreement. ?? ?? ? #KrahPerKrah

— Ambassador Yuri Kim (@USAmbAlbania) October 2, 2020

Ndërkohë, ishte vetë kryeministri Edi Rama që publikoi letrën e Trump në faqen e tij zyrtare në “Facebook”. Përmes kësaj letre, shefi i Shtëpisë së Bardhë i ka kërkuar Shqipërisë të zhvendosë ambasadën e saj në Jerusalem dhe të dalë nga marrëveshja 17+1 me Kinën.

“Jam gjithashtu i kënaqur nga roli i fortë i Shqipërisë në Nismën e Tre Deteve – një alternativë transparente, e bazuar në treg dhe e drejtë, e formatit Kina 17 + 1 prej të cilit unë ju nxis të dilni”, thuhet mes tjerash në letrën e Trump drejtuar kryeministrit të Shqipërisë, Edi Rama.

Lexoni gjithashtu: 

Trump letër Ramës, i kërkon zhvendosje të ambasadës në Jerusalem dhe dalje nga marrëveshja me Kinën