Ministrja Balluku dhe ambasadorja e SHBA në HEC-in e Skavicës: Do të shtojmë investimet në veri

Ambasadorja Yuri Kim ishte e pranishme bashkë me ministren e Infrastrukturës dhe Energjisë Belinda Balluku në zonën ku do të ndërtohet hidrocentrali i Skavicës.

Ambasadorja Kim shprehu kënaqësinë që ndodhej në Kukës në praninë e një nga kompanive më të mëdha amerikane, ndërsa u zotua se do të shtohen investimet në veri të vendit.

Yuri Kim solli në vëmendje prioritetet e SHBA-së në Shqipëri, demokracinë, mbrojtjen dhe biznesin duke theksuar se në të tre drejtimet ka pasur përmirësim.

Ndërkohë, sipas Ballukut HEC-i i Skavicës kontribuon në transformimin e Shqipërisë në vend eksportues neto të energjisë.

“HEC Skavica, pjesa e katërt dhe e munguar e kaskadës së Drinit prej 50 vjetësh, e cila rrit sigurinë energjetike, rrit kapacitetet prodhuese dhe mbrojtjen nga përmbytjet, kontribuon ndjeshëm drejt transformimit të Shqipërisë në vend eksportues neto të energjisë elektrike,” – tha ministrja.

LEXONI GJITHASHTU: 

• Ndërtimi i Skavicës, Balluku: Rrit kapacitetet prodhuese të 3 hidrocentraleve ekzistuese
• Ambasadorja e SHBA përshëndet firmosjen e kontratës për ndërtimin e hidrocentralit të Skavicës
• Rama: Ndërtimi i hidrocentralit të Skavicës do t’i japë fund frikës nga përmbytjet