Ambasadorja Kim takohet me Rudina Hajdarin: Respektoj luftën e saj parimore

Ambasadorja amerikane në Tiranë, Yuri Kim ka zhvilluar këtë të diel një takim me deputeten Rudina Hajdari. Diplomatja amerikane shprehet se kanë diskutuar mbi sfidat e integrimit të Shqipërisë në Bashkimin Evropian si dhe marrëveshjen e arritur në Këshillin Politik për reformën zgjedhore.

“U takova me Rudina Hajdari, për të diskutuar drejtimin e Këshillit Kombëtar për Integrimin Evropian si dhe për vendimin e saj strategjik për të mbështetur marrëveshjen e 5 majit për reformën zgjedhore, në mënyrë që Shqipëria të plotësojë kushtet e BE-së. Respektoj principet për të cilat ajo lufton, ndërsa mban parasysh pamjen e gjerë në mendje”, shkruan znj. Kim.

Met with @rudina_hajdari to discuss her leadership of National Council for European Integration & her strategic decision to support 6/5 Electoral Reform agreement so that ?? can meet ?? preconditions. I respect her principled fight for more while keeping big picture in mind.

— Ambassador Yuri Kim (@USAmbAlbania) June 14, 2020

Rudina Hajdari është anëtare e Këshillit Politik, këshill që më 6 maj arriti një marrëveshje mbi pikat kryesore të reformës zgjedhore. Edhe pse, znj. Hajdari ishte kundër pasi nuk u plotësua asnjë prej kërkesave të saj për hapjen e listave dhe ndryshimin e sistemit zgjedhor, sërish ajo e pranoi marrëveshjen, duke argumentuar se kështu nuk bllokohet integrimi në BE.

Lexoni gjithashtu:

Përçahet opozita parlamentare, bie numri për ndryshimin e Kushtetutës